Heyetê Dayîkanê Aştîye, ke Anqara de yo, Meclîs de zîyareta partîyanê sîyasîyan dewam keno. Heyetî Meclîs de Koma AKP’yî zîyaret kerd û Serekwekîlê Koma AKP’yî Abdullah Guler reyde pêvînayîş kerd. Heyetî dosyayêk ke waştişê înan tede bî, Guler rê radest kerde.
Meclîsê Dayîkanê Aştîye, ke seba waştişê azadîya fîzîkî ya Rayberê Şarê Kurdan Abdullah Ocalanî û seba eştişê gamanê şênberan ê Prosesê Aştîye û Komelê Demokratîkî Ankara de yo, zîyareta partîyanê sîyasîyan dewam keno. Heyeto ke, Amîna Engudar, Hatîce Yaşar, Turkan Durç û Zeynep Calihan ra pêk yeno, Koma AKP’yî zîyaret kerd û Serekwekîlê Koma AKP’yî Abdullah Guler reyde pêvînayîş kerd. Dayîkan zîyaretî de dosyayêk ke waştiş û fikrê înan bi kurdkî û tirkî tede ame nuştene, Koma AKP’yî rê radest kerde.
