Temsîlkarîya MSD’yî ya DYA’yî seba protestokerdişê hêrişanê vera Helebî vengda her kesî ke vernîya Qesra Sipî de kom bibê.
Temsîlkarîya Meclîsê Sûrîya Demokratîke (MSD) ya Dewletanê Yewbîyayeyan a Amerîkarî (DYA), do 16ê çeleyê 2026î de roja îne saete 11:00î de nêzdîyê Parka Lafayette ya vakurê Qesra sipî de seba şermezarkerdişê hêrişanê vera taxanê Şêxmeqsûd û Eşrefîye yê Helebî çalakîyêka şermezarkerdişî organîze bikera.
Temsîlkarî babete ser o eşkerayî daye û dîyar kerd ke hemverê hêrişan do bêrê têhet û vengbidê hukmatê DYA’yî û komelê mîyanneteweyî ke seba pawitişê kurdan bikewê mîyanê têgêrê. Temsîlkarîya MSD’yî wina vat: “Ma Sûrîyeyêka yewbîyaya wazenê ke kurd, ereb, suryan, Xirîstîyan, elewî, durzî, êzîdî, ermen, tirkmen û heme Sûrîyeyijan rê hurmet mojnena. Ma Sûrîyeyêka seba heme Sûrîyeyijan wazenê.”
Seba beşdaranê çalakî zî no vengdayîş ame kerdene: “Pankart, ale û afîşê seba piştgirîya Rojava xo reyde bîyarê. Goreyê rewşa hewayî cilan xo ra bidê. Bi nê rayîrî ma reyde têkilî ronê: [email protected]”
