Sazgeha fikrî ya sîvîle ya tewr muhîme ya Swêdî Merkezê Mîyanneteweyî yê Olof Palme eşkerayîya xo de vat: “Heqê şarê kurdî reyna binê tehdîtî de yo.”
Eşkerayîye dewina ame vatene:
“Rewşa vakur rojhelatê Sûrîye zaf krîtîk o û heqê şarê kurdî reyna binê tehdîtî de yo. Pêkewtişê çekdarî ke dewam kenê, talûkeyêk virazîyayo herême bero şerêko newe û gonîyin. Şerêko winasîn de bedelo tewr giran sîvîlî danê.
Vurîyayîşê bilezî yê vindertişê dîplomatîkî yê Amerîka û Yewîya Ewropa yê vera Sûrîye de bîyî, ma bi endîşe taqîb kenê. Nê sînyalê ke yew het ra ‘warê hereketê serbestî’ yeno fahmkerdene, hetê bînî ra sey ‘xîyanet’, talûkeyê xorînkerdişê krîzî û zeîfbîyayîşê îhtîmalê pêameyîşê sîyasî xo reyde ano.
Seba çareserîyêka menda û domdare hewce keno ke bawerîya ke her tewir prosesê sîyasî bingeyê garantîyê heqî de û îdareyêko pêroyî û pawitişêko tesîrdar ê kêmîneyan bibo. Stabîlîte tena bi kontrolê eskerî nêeşkena bêra temînkerdene; ganî bingeyê heqanê însanan û beşdarîya komelkî ser o bêro awankerdene.
Merkezê Palme seba dîyayîşê çareserîyêka haştîyane û sîyasîye venga lezabez kêmîkerdişê pêkewtişan û dîyalogî dano. Ganî aktorê mîyanneteweyî hetkarîya kêmîkerdişê pêkewtişan, pawitişê heqan û piştîdayîşê prosesê dîyalogê pêroyî bikerê. Hewcedarîya Sûrîye êdî şerî rê çin a, hewce keno ke rayîrêko sîyasî bêro temînkerdene.”
