Dayîkanê Aştî ke Amed, Stenbol û Îzmîr ra ameybî, mezela Munîbe Koç a Goristanê Karşiyaka zîyaret kerd.
Meclîsê Dayîkanê Aştî mezela Dayîka Aştî Munîbe Koç a Goristanê Karşiyaka yê Anqara de zîyaret kerd. Dayîkê ke Amed, Stenbol û Îzmîr ra ameybî, ewil şîyî keyeyê Munîbe Koç û ê wextî ra nata zî uca ra derbasê Goristanê Karşiyaka yê Anqara bîyî.
Goristan de Dayîkanê Aştîye mezela Munîbe Koç ser o vilikî ronayê, Quran wend û vîrardiş û hîsê xo pare kerdî. Dimayê nê, dayîkî derbasê cayê tazîye bîyî.
