Fermandarê HSD’yî yo Pêroyî Mazlûm Ebdîyî eşkera kerd ke ê amade yê ke binê çimdarîya Amerîka de Kobanê de semedê ronayîşê “herêmêka bê leşkeran” peşnîyaz bikerê.
Goreyê xebera ANF’yî Fermandarê Hêzanê Sûrîyeya Demokratîke (HSD) yo Pêroyî Mazlûm Ebdîyî hesabê xo yê medyaya sanale ra beyanatêk da û vat: “Ma Sûrîye de semedê adirbestêkê hîrayî peyê vatişê xo de yê. Reyna ma amade yê ke Kobanê de ronayîşê herêmêka bê leşkeran pêşnîyaze bikerê.”
Beyanatî de nê çîyî ameyî vatene: “Ma reyna vanê ke ma semedê adirbestêkê hîrayî yê pêroyê Sûrîye tewirê xo yê qerardarî domnenê. Na çarçewa de ma amade yê ke bajarê Kobanê de pîya newe ra vilakerdişê hêzanê asayîşî binê çimdarîye û estbîyayîşê Amerîka de ronayîşê herêmêka bê leşkeran pêşnîyaze bikerê. No cehdkerdiş hedef keno ke qesawetanê asayîşî yê dewleta Tirke orte ra wedaro û îstîkrarê mendeyî bîyaro herême.”
