Komînê Fîlm ê Rojava bi eşkerayîyêk vengda heme sînemageran ke piştî bidê Şorişê Rojava û vat: “Festîval, atolye û platformanê xo de ca bidê têkoşînê Şorişê Rojava.”
‘Toximê cuya newîye bi îsrarê awedayîşî kesk bîyî’
Komînî bale ant çetinîyanê têkoşînê Şorişê Rojava yê ke vera DAÎŞ’î ame dayene ser o û wina vat: “Rojava ard vîrî ke nê wehşanî ke waştêne na barbarîya serdemê mîyanênî bîyarê serê heme însanîyetî zî, eşkenê bêrê binfînayene û ganî weşîye xerabî ra netersa. Rojava reyde, Rojhelatê Mîyanênî de toximê xelasîya cinîyan, cuya hempare ya însanan, cuya ekolojîke û demokrasîya rasterast ser o ke bi gonî ameyî awedayene zî, bi îsrar dest bi keskbîyayîşî kerd.”
‘Şer cuye, kultur û hêvî zî hedef gêno’
Komînî dîyar kerd ke hêzê mîyanneteweyî, Tirkîya, çeteyê DAÎŞ û HTŞ’yî nêwazenê ke Rojava de sîstemêko demokratîk awan bibo û vat: “Tena qirkerdişo fîzîkî nê, eynî wextî de qirkerdişê cuye, kultur û hêvî zî hedef geno. Pawitişê nê erjan û Rojava berpirsîyarî û wezîfeyê heme însananê wayîrê wîjdanî yo.
‘Eke ma rastîyan nêvajê, do zurî bibê tarîx’
Ma sey Komînê Fîlm a Rojava, zanê ke heta ke ma rastîyanê xo nêvajê, zûrî ê bînan benê tarîx. La ma tena nîyê. No têkoşîn têkoşîno hemparî yê heme însanîyetî yo. Û sînema ziwanê tewr gerdunî yê nê têkoşînî yo.”
Vengdayîşê piştîdayîşî
Komînî venga heme viraştoxanê fîlm ê welatperwer, şorişgir û demokrat, hîlberîner, senarîst, derhêner, edîtor û hunermendan da ke bi piştîdayîşî Şorişê Rojava girs bikerê:
“*Bêrê, ma piştgirîya yewbînan xo xurt bikerê.
*Zulmê DAÎŞ, HTŞ û dewleta tirkan û têkoşîno birûmet ê vera înan bikerê rojevê raya pêroyî ya dinya.
*Festîval, platform û atolyeyanê xo de ca bidê têkoşînê Rojava. Mesajê xo yê bi vîdeo ê piştîdayîşî platformê dîjîtalan de vila bikerê.
‘Ma şervanê vîdeoyanê heqîqetî yê’
Komînî tewr peynî wina vat: “Ma şervanî ke wazenê bi hêzê vîdeoyan heqîqetî îfade bikerê. Çekê raştîye yê zuran ra tûjêr o. Biciwîyo xoverdayîşê Rojava! Cinî cuye azadî! Biciwîyo sînemaya kurd!”
