Wendekaranê Kobanêyijan ke verê Unîversîteya Kobanê de arê bîyî, waşt ke heqê înan ê perwerdedîyayîşî yê Unîversîteya Kobanê de bêro pawitene.
Wendekarê Kobanêyijî verê Unîversîteya Kobanê de arê bîyî û vera qerarê Wezaretê Perwerdeyê Berzî yê Sûrîye reaksîyon da. Goreyê qerarî, fakulte û akademîyî do bêrê girewtene û bêrê girêdayene bi Unîversîteya Helebî. Wendekaran waşt ke heqê înan ê perwerdedîyayîşî yê Unîversîteya Kobanê de bêro pawitene.
Wendekaran îdareyê Unîversîteya Kobanê ra tayê waştişî kerdî û waşt ke nê waştişî bêrê çiman ver û bêrê taqîbkerdene. Wendekaran waştişê xo wina rêz kerdî:
- Heme fakulte, enstîtu û beşê ke est ê, bêrê pawitene.
- Heqê wendekaranê Kobanêyijan ê perwerdedîyayîşî yo şaristanî ke tede ciwîyenê de bêro garantîkerdene.
- Tecrubeyê perwerdeyê kurdkî bêro pawitene û dewam bikero.
- Perwerdeyê wendekaran bêro garantîkerdene û vernîya vindîkerdişanê akademîkan bêra girewtene.
- Beşdarîya temame ya wendekaran qeraranê derheqê ameyoxê unîversîte de bêra taqîbkerdene.
- Nameyê “Unîversîteya Kobanê” bêro pawitene.
- Orîjînalîya Unîversîteya Kobanê prosesê rêxistinbîyayîş û entegrasyonî de bêra pawitene.
Peynîya eşkerayîye de wina ame vatene: “Ma sey wendekaranê Kobanêyijan îmtîyaz nêwazenê. Ma tena wazenê ke heqê ma yê perwerdedîyayîşê unîversîte û seypêyîya firsendan û îmkanê unîversîte û pisporîye yê şaristanî bêrê pawitene.”
