Dewanê Girke Lege û Çilaxayî de şarî nêrazîbîyena xo ya vera qerarê Wezaretê Perwerdeyî ard ziwan û vat: “Ma dima heqê ziwanê xo yê. Ma wazenê ziwanê xo de biwanim, dima ra ziwananê bînan bimusum.”
Dewa Sêgir a Girke Lege û dewa Kişk a Çilaxaye keyeyanê wendekaran vera qerarê Wezaretê Perwerdeyê reaksîyanê xo nîşan dayî.
Wanî Mihemed vat: “Gedeyê mi erebî musayene de zehmetîye wînenê, naro 12 serrîyo ke bi ziwanê kurdkî wanenê, ma zî nêwazenîme ke gedeyê ma ziwanê xo ra durîkuyê û ziwananê bînan bimusê, no ziwanê dayîka înan o wa gedeyê ma ziwanê xo bi ziwanê dayîka xo dewam bikerê. ”
Hêlîn Omer zî vat: “Ez pola yewîne ra heta nika bi kurdkî wanena û nika temenê mi 13 serre yo, ez wazena ke kurdkî wendena xo dewam bikerî. Endî seba ma zehmeto ke ma bi ziwanê erebkî biwanim, ma kurdkî musayîme û wazenîme ke ziwanê dayîka xo de biwanim.”
Stêra Cangîr a 14 serreya ke pola 8îne de wanena vat: “Heme wendekarî bi heqê xo yê ziwanê dayîke wendena xo dewam bikerê, na heqê ra. Ma vera nê qerarî me, ma wazenîme ke ziwanê kurdkî wendena xo bikime.”
Waya aye Şîrîn Cangîr a ke sinifa 6îne de wanena, vat: “Ma ziwanê erebkî nêzanenîme û ma rê zehmet yeno, wa zerar nêdîyo meşteyanê ma ra.”
Çilaxaye de zî wendekar Nergiz Silo qisey kerd û vat: “Ma çalakîyanê xo domnenê heta ke no qerar peyde ame girewtene, heqê ma yo ke ma bi ziwanê xo perwerde bivênim.”
Feyrûz Silêmane zî vat: “Ez nêşona dibistan hetanûke no qerar ame vurnayene û garantîyê bidîyo ma ke ma bi ziwanê xo biwanim.”
Mihdî Hisênî zî dîyar kerd ke gedeyê înan bî 14 serrîyo ke bi ziwanê kurdkî wanenê, wina reaksîyonê xo nîşan da: “Ma qebul nêkenê ke reyde bîn ziwanê ma bierzîyo pê goşan.”
Hisên Şehabî zî vat: “Ganî garantî bêro dayene ke gedeyê ma bi ziwanê xo biwanê û dima zî ziwananê bîna bimusê. Ma venga Wezaretê Perwerdeyî danêke na alozîye çareser bikerê û gedeyê ma wendena xo dewam bikerê.”
(Çime: ANHA)
