Serkêşîya hunermendê arjantinijî Federico Raccayî de hetê komêka hunermendan ra Înstagram de kampanyaya ‘Cayêk semedê Ocalanî’ do bêro destpêkerdene.
Serkêşîya hunermendê arjantinijî Federico Raccayî de komêka hunermendan çarçeweya hemleya ”Abdullah Ocalanî rê azadîye meseleya kurdan rê çareserîye” de kampanyaya dîjîtale dîyena destpêkerdene. Kampanyaya do Înstagram de bi nameyê ‘Cayêk semedê Ocalanî’ bêro rayraberdene.
Bi kampanya yeno waştene ke bi vîdeoyanê kilman ê derheqê Rayberê Şarê Kurdî Abdullah Ocalan de paştî bêro dayene. Tewrbîyayoxan ra yeno waştene ke verê înan de kursuyo veng bibo û cayo ke wazenê Rayberê Şarê Kurdî Abdullah Ocalan reyde pare bikerî, wa nê ser vîdeoya 10 sanîyan biancê. Vîdeoyan de tewrbîyayoxî name û gureyo xo û cayo ke Rayberê Şarê Kurdî Abdullah Ocalan rê cîya kerdo danê zaneyene.
Çalakîye înstagram de 12ê êlule roja îne (ewro) bi saeta Arjantînî 11.00 de, bi saeta Brukselî 16:00 de û bi saeta Amedî 17:00 de do dest pê bikero.
