Hêrişê dewleta Îsraîlî yê vera Xeta Xeza dewam kenê. Hêrişanê peyênan de 6 kesî ameyî kiştîş û xeylî sîvîlî zî birîndar bîy.
Ordîya Îsraîlî başûrê şaristanî de, herêma Mawasi Khan Yunisî de nêzdîyê kervanê Asdaa de bi teyareyê bêmerdimî da yew erebe ro. Nê hêrişî de 2 kesî ameyî kiştîş, 3 kesî zî birîndar bîy.
Reyna rojavayê Han Yunusî de cadeyê El-Badavî de bi adirvarnayena leşkeranê İsraîlî xortê ko bi nameyê Yahya Samourî ame kiştene. Vakurê şaristanî de zî kesêko nameyê xo nêno zanayene hetê leşkeranê Îsraîlî ra ame kiştene.
Hêrişêko bîn de zî nêzdîyê îstasyonê benzînî yê Tamrazî ame hedefgirewtene û nê hêrişî de zî xeylî sîvîlî birîndar bîy.
Heto bîn ra vizêrî hêrişê vera kampa penaberan ya Bureyşî bîbî û nê hêrişî de yew cinîye ginah birîndar bîbî weşîya xo vîndî kerde. Hêrişê vera vakurê şaristanî de zî Adham Subhî Zîyaro giran birîndar bîbî ey zî nêweşxane de weşîya xo vînî kerde.
