Îsraîlî îşxalê xo yê başûrê Libnanî hîra kerd. Hêzanê Pawitişê Îsraîlî (IDF) herêma neweye sey warê operasyonê bejî dîyar kerd û yewîneyê leşkerî berdî na herême.
IDF’yî eşkera kerd ke ê başûrê Libnanî de operasyonê bejî hîra kenê û hêzê Tûmena 36. zî beşdarê prosesê operasyonê bejî kerdî. Eşkerayîye de ame vatene ke ê wazenê warê pawitişî hîra bikerê û talûkeyê ke vera Îsraîlî yê, hewanê.
Vengdayîşê vengkerdişê herême ameyê kerdene
IDF’yî sînorê neweyî yê operasyonî dîyar kerdî ke reya verêne çemê Lîtanî ra vîyart û sey sînoro newe çemê Zahranî destnîşan kerd. hemwelatîyanê Libnanî rê vengdayîş kerd ke wexto ke tewr kilm de waranê neweyan ê operasyonî veng bikerê û bivîyarê başûrê çemê Zahranî.
Îsraîl kontrolê cografîkî dima yo
Eynî wext de IDF’yî eşkera kerd ke hêzê Tûmena 36. zî beşdarê operasyonê bejî yê başûrê Libnanî bîyê. IDF’yî dîyar kerd ke hêzê ci cehd kenê ke warê pawitişî xurt bikerê û seba şarê vakurê Îsraîlî sewîyeya emnîyetî berz bikerê.
Vernîya operasyonî bombardûman
Îsraîl verê ke ke cayanê neweyan bejî ra de îşxal bikero herême bi giranî bombardûman keno. Eşkerayîya IDF’yî de ame vatene ke şewa verêne herêma ke sey warê operasyonê bejî ameye dîyarkerdene bi giranî ameyê bombardûmankerdene û darbeyê giranî Hizbullahî ser o ameyî eştene.
