Çalakîkerê heqanê merdiman û koordînatorê pêroyî yê Kongreya Îradeyê Azad ê Siwêda Osman Mihemed El Eysemî hişyar kerd ke dewamkerdişê tedayan vera şaranê cîya yê Sûrîye do parçebîyayîşê komelî û kulturî akero.
Çalakîkerê heqanê merdiman û koordînatorê pêroyî yê Kongreya Îradeyê Azad a Siwêda avûkat Osman Mihemed El Eysemî tehlukeyanê vêşbîyayîşê teda, sûcanê hukmatê demkî hişyarî kerd ke dewamkerdişê tedayan vera şaranê cîya yê Sûrîye do parçebîyayîşê komelî û kulturî akero.
El Eysemî nê kerdişî ters dekenê mîyanê şaranê Sûrîye û aştîya mîyanê komelanê sîvîl û yewbîyayene welatî tehdît kenê.
El Eysemî dîyar kerd ke 8ê kanûna 2024î ra nat tarêxê Sûrîye de zaf çîyê muhimî qewîmîyenê. Teda û ziwanê nefretî ke vera komel, mezheb û şaran bi destê hêzanê ke girêdayeyê hukmatê demkî yê roj bi roj benê zêde.
El Eysemî nê tarixî sey destpêkerdena peynîya seserra derg a zilm û zorkerîye bi name kerde û binê ci xêz kerd ke welatîjanê Sûrîye nê demî ra omid kerdêne ke zemînê dewletêka demokratîke awan bibo.
El Eysemî dîyar kerd ke rewşa ke nikayîne tersî mojnena. Qeraxe ra bigîre heta dewanê dormeyê Şamî, deştanê Sûrîye ra heta Siwêda her ca de hêriş, teda, zilm û kiştiş est o. Nê zî ters kenê zereyê komelî û bêbawerîyan kenê zêde. Şarî neçar mendê aye ra cesaret nêkenê ke seba pawitena ganê xo, ewleyîya xo û heqanê xo çareserî biwazê.
El Eysemî hişyarî kerd ke bi çekan û teda hêrişê komelanê ke heqê xo raya çalakîyanê demokratîk wazenê kerdiş keberê prosesêko newe yo ke pêkewtişanê giranan zêde bikero.
