Çarçewaya Hemahengîya ya Şîî vera tehdîtanê Serekê Amerîka Donald Trump ê vera Nurî Malîkî kom bi û reyna dîyar kerd ke Nurî Malikî namzetê înan ê Serekkomarîya Îraqî yo û wina vat: “Tehdîtê Donald Trumpî binpaykerdişê sermîyanê Îraqî yê.”
Serokê Amerîkayê Donald Trump di 28ê Çileya 2026an de Iraqê hişyar kerd ke eke Nurî Malîkî yê nêzdîyê rejîmê Îranî bibo Serekkomar do Dewletê Yewbîyayeyî yê Amerîkayî (DYA) piştgirîya xo ya seba Îraqî vindarno.
Goreyê agahîyanê xebera Roj Newsî rayberê Çarçewaya Hemahengîya Şîîyanê Îraqî na hişyarîya Donald Trumpî kom bi. Goreyê agahîyanê rayberanê Çarçewaya Hemahengî ofîsê Nurî Malîkî kom bi û rixmê tehdîtanê Donald Trumpî zî înan qerar dayo ke Nurî Malîkî endamê înan ê serekkomarî yo.
Çarçewaya Hemahengîya Şîîyanê Îraqî derheqê qerarê xo de nê çîyî vatê: “Ma mudaxaleyanê Amerîka tu hewayî qebul nêkenê. Eynê wextî devatişê Serekê DYA’yî Donald Trump sermîyanîya Îraqî binpay keno û mudaxaleyê karûbaranê zereyî yê Îraqî keno.”
