Vervatoxê Fermandarîya Pêroyî ya Hêzanê Çekdaran ê Iraqî eşkera kerd ke hêzê tirkan do na aşme ra dest pê bikerê ke Bingeyê Zilkanî ra qedeme bi qedeme biancîyê û no proses do heta peynîya serre temam bibo.
Vervatoxê Fermandarîya Pêroyî ya Hêzanê Çekdaran ê Iraqî Sabah Numanî derheqê prosesê ancîyayîşê hêzanê tirkan de eşkerayîyêk daye. Numanî da zanayene ke prosesê dewrkerdişê Bingeyê Zilkanî do na aşme ra dest pê bikero, heme hêzê tirkan do heta peynîya serre qedeme bi qedeme bingeyî ra abirîyê û binge do teslîmê hêzanê Iraqî bibo.
Numanî dîyar kerd ke Komîsyonê Emnîyetî yo Hempar ke mabênê Iraq û Tirkîya de ameyo ronayene, derheqê dewrkerdişê Bingehê Zilkanî û tedbîranê emnîyetî de ke do Şingalî de bêrê girewtene, bi pratîkî dest bi xebatan kerdo.
Ame dîyarkerdene ke nê komîsyonî de her di welatan ra temsîlkarî cayê xo gênê û xebatê komîsyonî do demê ameyoxî de lez bibê ke binge tarîxê dîyarkerdeyî de bêro teslîmkerdene.











