Ajansê Xeberan ê Almanya eşkera kerd ke hêzê Amerîka bi temamê ci herdanê Iraqî ra ameyê antene. Goreyê xebere hêzanê piştîdayena lojîstîkî zî tede, temamê hêzanê şerkaran Îraqî ra vejîyayê û prosesê ancîyayîşî her het ra peynî bîyo.
Ajansê Xeberan ê Almanya serê agahîyanê berpirsêko berz ê hukmatê Iraqî, derheqê ancîyayîşê hêzanê Amerîka de agahîyê neweyî pare kerdî.
Ajansî eşkera kerd ke artêşa Amerîka bi temamî Iraq ra vejîya û hêzê yewîna piştîdayena lojîstîkî zî tede heme hêzê şerkarî zî endî herdanê Iraqî de nêmendê. Ame vatene ke nê gamê prosesê talkerdena qerargehan bi serkewtene peynî bîyo.
Dewamê xebere de ame dîyarkerdene ke hetê Iraqî nika paweyê ke Amerîka bi resmî peynîkerdena ancîyayîşê hêzanê xo eşkera bikero ke her di dewletî gamanê pîyayan û dihetan ver bi aver bierzê.
