Heyetêkê Neteweyanê Yewbîyayeyan (NY) seba rewşa merdimî û weşîye bierjno, Kobanî zîyaret kerd. Heyetî şeklê vêşîkerdişê piştgirî, sazgehanê şaristanî reyde munaqeşa kerd.
Heyetêkê Ofîsê Neteweyanê Yewbîyayeyan ê seba Koordînasyonê Kar û Baranê Merdimî (OCHA) merkezê Rayberîya Xoser ê Kobanî zîyaret kerd. Heyet hetê Komîteya Serekî ya Meclîsê Rayber ê Rayberîya Xoser ê Kobanî û temsîlkaranê sazgehanê xizmetkarî ra ame pêşwazîkerdene. Her di hetan problemanê merdimî û weşîye yê ke rîyê dorpêçkerdişê Kobanî ra vejeyê û hewayê peydakerdişê xizmetanê bingeyin û lazimtîyanê welatijan ser o munaqeşeyî kerdê.
Dorpêç dewam keno
Kombîyayîşî ra pey heyetê NY’yî endamanê Rayberîya Xosere reyde sitargehê şaristanî zîyaret kerd ke şert û mercanê cuye yê Kobanî ke binê dorpêçî de ya, nêzdî ra bivînê.
20ê çeleyî ra hêzanê hukmatê demkî yê Sûrîye dorpêçêko giran şaristanê Kobanî ser o ferz kerdo û heta nika zî dewam keno.
