Sirri Sureyya Onder peynîya beyanatê adirbestî yê PKK’î qal kerd û dîyar kerd ke hewteyo ver de do bi kombîyayîşan rewş zelal bibo ke rayedarê dewlete û sîyasetmedar zî do beşdarî no kombîyayîşî bibî. Onder va mîyanê 3 aşman de do her çik sereraşt bibo.
Serekwekîlê TBMM’î û Wekîlê Stenbolî Sirri Sureyya Onder ê Heyetê Îmraliyî yê DEM Partîye de ca girewto, peynîya beyanatê PKKî ya ewro ANKA’yî rê qise kerd.
Onder va ke do nika ra pey zaf kombîyayîş bêrê viraştiş do rayedarê dewlete û sîyasetmedar zî beşdar bibî û wina va: “Mîyanê 3 aşmê verê ma de, ma hêvî kenê ke do her çik sereraşt bibo. Hewteyo verê ma de do zaf kombîyayîş bêrê viraştiş, do rayedarê dewlete û sîyasetmedar zî beşdar bibê.”
Onder dîyar kerd ke o nêeşkeno derheqê ronayîşê çekan de çikêk bivajo û wina qedîna: “Ya avzel îrade û qerardarîya ame nîşandayene. Do her çik sereraşt bibo. Destpêke eke sey Tirkîye ma bi samîmîyet û cidîyetî rojeva xo dîyar bikerê, seba bedilyayîşê dinya û herême do gamê demokratîke pey ra bêrê.”
