Amed de nan, firnî ra bi hedre nêameynî girewtiş. Keyeyanê xo de amedijî mîrê nanê xo hadre kerdê peynî zî teştan ra ronaynê û berdinê firnê taxe. Serrê 1960î de nê firnan ra yew zî nêzî Dêrê Suryanîya Meryem Anaye Firnê Tumesî bî.
Serrê 1960î de firno tewro elaqa dîynî, firnê Tumesî bî û no firin zî Kûçeya Puşucuyî de bî. Amed de zaf nan yeno werdiş. Amed de demo ke werd bênan bêro werdiş, no dem name kenê ke sekî feqîrî fam nîno kerdiş. Amed de demo ke yew dawetê werdî bêro kerdiş, amedî vanê; bê ma pîya nan biwerî, nêvanê; bêroş ma werd biwerî.
Seserra 19. de Amed de xela virazîya, çimkî no dem mabênê Dewleta Osmanî û Dewleta Rûsî de şerêk estbî, hewna herême de ziwayî, bêvaranî destpê kerdbî. No ser vaya nanî zêdîya û firinan zî destpê zêdekerdişê vaye yê nanî kerdî. Na rewşe ser zî şarê Amedî serwederna. No serwedartişî ra şarê cihû, xirîstîyan, misilman, sewbî bawerî ra şaran, cinî hetta domanê zî beşdar bîyê. No ser firnan verba serewedartişê şarî tersî ra vaya nanî ardê war.
Keyeyanê xo de xo bi xo mîrê xo viraştê
Amed de nan, firnî ra bi hedre nêameynî girewtiş. Keyeyanê xo de amedijî mîrê nanê xo hadre kerdê peynî zî teştan ra ronaynê û berdinê firnê taxe. Gedeyan qetî nêweştinê û kêfweş nîbîynê nanberdişê firinî ra, çimkî embazê gedeyan teber de kaykerdinê. Her firin goreyê xo şekilêk daynê nanî. Serrê 1960î de nê firnan ra yew zî nêzî Dêrê Suryanîya Meryem Anaye bî.
Yewbînan ra îkramê nanî kerdê
Verê şayîya xo, şarê xirîstîyanî tonanê ardî ra tewir bi tewir baxarat û riwen ronaynê û peynî mişt kerdinê. Dima zî bi şekildayişî nê mîrî domanan berdinê Firnê Tumesî ya zî Sagdoyî. Çiqas hûmara xirîstîyanan kêm bibê zî nêzdî Dêrê Meryem Anaye de boya mahlep, rezene û tarçinî ameynê. Firnan her tim qelebalix bîynê, xususî demê roşanî dekerde bîyê. No ser tay malbatî verê çend rojê mîrê xo erşawitî firnan. Peynîya demê vindertişî yê dergî nanê teze û boya bi weş kewtinê rayîrê banê xo, rayîr de her kes yewbînan îkramê nanî kerdê.
Zereyê Sûrî de yew demê nê firnan zî estbî; nêzdî Mînaraya Çarlingî Firnê Haci Mecîtî, Xançepek de Firnê Çirikî yê Selîm Axayî, verba Xanê Çîfteyî Firnê Mecît Axayî, Verê Koyî de Firnê Çelenklerî, Berê Sarayî de Firnê Yuksekî. Nika cayê Firnê Tumesî de firnêko bîn ca girewto.
