Fîlozofê Brezîlî Freî Betto hetkarî da vengdayîşê Abdullah Ocalanî û wina va: “Ez, pîya aştîyane ya şarê tirk û kurd, parekerdişê înan ê nan û cuya xo sey averşîyayîşêko avzel o şaristanî diyena.”
Nuştox, aktîvîstê sîyasî, filozof, teologê rizgarîye û keşeyê Domînîkan Carlos Alber Libanîo Christo, (Freî Betto) seba hetkarîya vengdayîşê Rayverê Şarê Kurdî Abdullah Ocalan rê mesajêk erşawit. Betto ke sey şêwirmendê nêfermî yê Serekê Dewlete yê Brezîlyayî Lula da Silva zî yeno zanayîş, bi vatişanê xo yê bi Fidel Castro ra zî yeno naskerdiş.
‘Ez hetkarî dana pêvajo’
Mesajê Betto yê DEM Partî ra erşawito û ser hesabê xo yê X’î yê partî de ameyo parekerdiş wina yo: “Ez, hetkarî xo ya bêşertî ya seba pêvajoya aştî û demokratîkbîyayîşî ya Tirkîya ra anena ziwan. Pîya aştîyena ya şarê tirk û kurd, parekerdişê înan ê nan û cuya xo sey averşîyayîşêko avzel o şaristanî dîyena. Netew, ziwan û kulturê ma, ma ewta ci rê vanê; dinya ke ‘keyeyo hembar o’ û hewceyê ma heme bi waye û birayî ci biciwî, nîşaneya cîyabicîya û zengînîya merdimeyî ya. Biciwo demokrasî! Bimro emperyalizm!”
