Festivalê Boreka Kurdan o ke hetê KAYDER’î ra amade beno, bi tewrbîyena girseyî dest pê kerd. Festival de amê dîyarkerdene ke na çalakîye tena yew pêserameyîşê werdî nîya, eynî wextî de wayîrvejiyayişê vîr û nasnameyê kulturî yo.
Vera polîtîkayanê asîmîlasyon û înkarî, şarê Kurdî metropolan de bi çalakîyanê cîya-cîyayan wayîrê kulturê xo vejîyeno. Festivalê Boreka Kurdan o ke hetê Komeleya KAYY-DER’î ra yeno organîzekerdene, emsar zî bi tewrbîyenêka xurte û bi heyecan dest pê kerd.
Boreka kurdan ame vilakerdene
Çalakîya ke şarî eleqeyêko pîl nîşan da, saetanê serê sibayî de bi vilakerdena “Boreka Kurdan” a germe dest pê kerd. Meydanê festivalî seba qiseykerdiş, konser û çalakîyanê cîyayan ke do heme roje dewam bikero.
Sîyasetmedar û nûnerê dezgehan tewre ci bîyê
Programê akerdişê festivalî de, pîya bi komê şarî, nûnerê partîyanê sîyasî û dezgehanê sivîlan zî ca girewt. Parlamenterê DEM Partî Omer Faruk Hulagu û Omer Ocalan, sewbîna Serekîya Rêxistina DEM Partî ya Stenbolî û rayberê Partîya Herêmanê Demokratîkan (DBP) beşdarê çalakî bîyê. Paştîdayena komelî pîl kenê welatijê ke tewrê festivalî bîyê, hem werdê tewr weşê metbexê Kurdî tehm kerdî, hem zî bi ameyena yewca paştîdayena neteweyî û komelî pîl kerde.
‘No tena werd nîyo, vîr rê ma yo kulturî yo’
Rayberanê KAYy-DER’î bale ante serê manaya tarîxî û kulturî yê festivalî. Rayberan dîyar kerd ke no festival tena amadekerdişê yew çalakîya werdî nîya, eynî wextî de yew helwestêko muhîm o ke vîr rê kulturî yê kurdan gandar verdeno û yewîya komelî ya şarî xurt keno. Goreyê programî, pawîyeno ke qiseykerdişanê festivalî de mewzûyê sey pawitişê mîrasê neteweyî, pîlkerdena paştîdayene û averberdena kulturê cuya pîyayî vejîyê vernî. Festival do heme roje bi konser û çalakîyanê cîyayan dewam bikero.
