Seba gerîlayanê HPGyî Mehmet Hayrî Çapakçurî Çewlîg de û seba Piling Elî Vartoyî zî Kanîreş de tezayî ameyê ronayene. Siba zî do Çêrme de seba gerîlaya YJA Starî Azîme Delîl tezayî bêro ronayene.
Nasnameyê hîrê gerîlayan ê HPG/YJA Starî yê Çewlîgî ameyî eşkerakerdene. Çewlîg de seba şehîdan tezayî ameye ronayene.
Serkêşîya Komela Paştîdayîş û Hetkarîya bi Keyeyanê ke Merdimê Xo Vînî Kerdî (MEBYA-DER) de seba gerîlayê HPGyî Mehmet Hayrî Çapakçurî (Hakan Açan) ke ame eşkerakerdene 5ê nîsana 2017î de şehîd bîyo, banê DEM Partî yê Çewlîgî de tezayî ameye ronayene.
Wekîlê DEM Partî yê Çewlîgî Omer Faruk Hulakuyî tezayî de qisey kerd, nêvatî. “Ma nêwazenê qet keyeyêk ewladê xo vînî bikero. Ma cehd kenê ke pêro pîya ameyoxêkî ke înşa bikerê ke, hinî wa cenaza nêrê na herre, çekî nêrê şuxulnayene û sîyaseto demokratîk bibo xurtêr. Rayîrê haştîye barkerdişê dejan û vergirewtişê dejanê neweyan ra vîyareno. Ma do seba nê têkoşînî rê dewam bikerê.
Tezayîye de ya ke xeylê kesî tewrê ci bîyî, keyeyê Açanî rê serweşîye ameye waştene. Tazayî do heta şan dewam bikero.
Reyna Kanîreş de zî seba gerîlayê HPGyî Piling Elî Vartoyî (Mustafa Aksoy) yo ke 1ê teşrîna verêne ya 2018î de Garê de şehîd bi, tezayî ameye ronayene.
Siba zî do Çêrme de seba gerîlaya YJA Starî Azîme Delîl (Yasemin Goze) tezayî bêro ronayene.
