Endamê heyeta CPT’yî yo verên Jean-Pierre Restellini rolê komelê mîyanneteweyî yê seba çareserîya demokratîke ya meseleya kurdî ser o va ke o wazeno ke şert û mercê azadî de Abdullah Ocalanî de têhet bêro.
Vengvedayîşê “Aştî û Komelê Demokratîkî” yê Rayverê Şarê Kurdî Abdullah Ocalanî ke 27’ê Şubate de eşkera kerdbî û biryara PKK’yî ya ‘qedênayîşê çalakîyan’ raya umûmîye ya neteweyî û mîyanneteweyî de dewam kena. Yew pisporanê verênan ê Komîteya Pawitişê Îşkence ya Ewropa (CPT) Dr. Jean-Pierre Restellini ke verê cû tarîxê cîya cîya de 3 rey Girawa Îmralî de şîbî zîyaretê Abdullah Ocalanî, ANFî rê qisey kerd.
Jean-Pierre Restellini ke zêdeyî 30 serran CPT de sey pispor xebitîya, eynî wext de tayê wext Serekîya Komîsyonê Neteweyî ya Pawitişê Îşkence ya Swîsre kerd.
‘Abdullah Ocalan wa azad bo’
Restellini biryarê Kongreya 12’îne ya PKK’yî ercna û wîna va: “Seba serkewtişê pêvajoye Abdullah Ocalan wa azad bo. Warê çareserîya demokratîke ya meseleya kurdî de pêşnîyazêkê cesûr û aştîyane dewleta Tirkîye rê yena dayene.”
Restellini da zanayene ke dewleta Tirkîye zî divê gamê şênberî bierza û wîna domna: “Hêvîdar a ke na rewşe bi gamê ke encamê îdarekarê Tirkîye ra gêno, dima ravêro. Abdullah Ocalan gamê pozîtîfî eştî, no manaya xo ya ke azadîya Abdullah Ocalanî şert a zî wa asta huqûqî de tayê tedbîrî bêrê girewtene, belkî zî asta Destûrê Bingeyî yê Tirkîye de bo. Çimkî rêze meseleyê şênberî ke ez bi temamî înan ser o hakîm nîyanî, tenya wîna şenê bêrê çareserkerdene. Demê ke Abdullah Ocalanî veng da PKK’yî ke çekan verado, seba serbestverdişê ey menfîetê hukumatê Tirkîye de yo. Na rewşeke zaf zelal a. Ocalan bi taybetî serekê şarê kurdî yo ke Tirkîye de yo. Azadîya ey çareserî rê xizmet kena. Kurdî ke Swîsre yan zî Fransa de mi înan dîyo û bi taybetî Strasbourg de kurdî ke mi înan dîyo, Abdullah Ocalanî sey serekê xo vînenî.”
‘PKK wa lîsteyî ra bêro vetene’
Restellini da zanayene ke komelê mîyanneteweyî şêno çareserîya demokratîke ya meseleya kurdî de rolêk kay biko û wîna qedîna: “Mesele a ya ke rojeva dinya nika giran û germ a û beno ke meseleyê bînî zî estê ke înan rê zaf avzelê. Fîkaro mi no yo, helbet no zî est o; sey ke şima zî zanenî, PKK sey rêxistineke ‘terorîste’ ame îlankerdene ke mi zaf şaş dî. Nika, sey ke PKK’yî bi zelalî têkoşîna çekdarî verada, na tayînî divê bi lezûbez bêro wedarnayene. Ez wazenî ke pêro hestê xo yê sempatîyî Abdullah Ocalanî rê vajî, çimkî her reya ke ez ey vînenî ez ey merdimêkê awarte vînenî û dema azad beno, bi hesret pawenî ke şert û mercê azadî de destê ey bigirî.”
