Welatij Abdulselam Sonmez dîyar kerd ke nika ra pey êdî zilm biqedîyo û wina va: “Êdî Rayberê Şarê Kurd Abdullah Ocalan zî serbest bimano, 26 serrî yo ke hepis de yo. Eke pêvajo weş aver şîro do Abdullah Ocalan û serekê ma bînî zî do serbest bimanî. Eke destpêk bibo do netîce do bêro girewtiş.”
27ê Sibate de Rayberê Şarê Kurd Abdullah Ocalan vengdayîşê tarîxî yê “Aştî û Komelo Demokratîk” kerd. Na roje ra nika Tirkîya behsê aştî yeno kerdene û no zî şarî de hêvîyêk awan kerd. Welatij Abdulselam Sonmez zî pêvajoya peynî ser ajansê ma rê qise kerd.
Welatij Abdulselam Sonmez pêvajo ser o dîyar kerd ke ê aştî wazenî û wina va: “Ma birayî yewbînan ê, ma wazenê tabî kî herêma ma de rewşêka weş biba, wa însan nêmrî û wa her kes şîro dewanê xo. Ma însanê ma bi azad bigêrî, ma wazenê şîrîme her ca û sereyê ma de xalê persî nêmanî. Ma memlekê xo ra hes kenî û çimkî memlekê ma rind o.”
Do serekê ma heme azad bibê
Sonmez herême de zilmdîyayîşê şarî ser o aşkera kerd ke êdî ê nêwazenî zilm bivînî û wina domna: “Ma aştî wazenî, nika ra pey êdî zilm biqedîyo. Êdî Rayberê Şarê Kurd Abdullah Ocalan zî serbest bimano, 26 serrî yo ke hepis de yo. Eke pêvajo weş aver şîro do Abdullah Ocalan û serekê ma bînî zî do serbest bimanî. Eke destpêk bibo do netîce do bêro girewtiş.”
