Endamê Meclîsê Karûbaranê Teberî yê Misirî Yûsif Zadeyî dîyar kerd ke serkewtişê adirbestî Sûrîye girêdayeyê teqezkerdişê heqanê heme netewan o, bi taybetî yê kurdan o.
Endamê Meclîsê Karûbaranê Teberî yê Misirî û konsolosî verî yê Misirî yê New Yorkî Yûsif Zade derheqê hedîseyanê Sûrîye û adirbestî de ajansê ANHA’yî rê qisey kerd. Yûsif Zadeyî dîyar kerd ke averberdişê adirbestê Sûrîye girêdayeyê teqezkerdişê heqanê heme netewan û bi taybetî zî yê netewê kurdan o.
‘Helwêstê Misirî helwêstê çareserî yo’
Yûsif Zadeyî roportajî de dîyar kerd ke Misir paştî dano çareserîyanê sîyasî û weçînekê leşkerî red keno, adirbesto ke Sûrîye de ameyo parekerdene zî bi hewayêko pozîtîf erjneno. Yûsid Zade vano ke nê helwêstê Misirî dîyar keno ke Misir îstîqrar û yewîya herra Sûrîye wazeno. Sewbîna rolê xo yê sey hetêko ereb wazeno bi nê rêbazî şerî biqedîno û atmosferê çareserî awan bikero.
‘Ganî kurdî qanûnê bingeyînî de bêrê naskerdene’
Yûsid Zadeyî bale ant nê çîyî ser o ke ganî heqê kurdan bi eşkerayîyanê pêroyî nê bi qanûnê bingeyîn û garantîyê sîyasî bêrê teqezkerdene û wina vat: “Lazimtîya kurdan bi naskerdişê qanûnî yê pêroyê heqanê ci yê sîyasî, kulturî, beşdarîya sazgehanê dewlete est a. No çî do tehlukeyanê ke tarîxî de ameyê ca, înan orte ra wedarno.”
Entegrasyono zafrengî mertalê ewleyî yo
Rayedarê Misirî Yûsid Zadeyî eşkera kerd ke Sûrîye de tesîrê qerarî destê tayê hêzanê mîyanneteweyî yê çalak de yo. Entegrasyono sîyasî yê kurd yewîya dewleta Sûrîye do xurtêr bikero. Yûsid Zadeyî ney reyde girêdaye vat ke entegrasyono sîyasî yo adilane yewîya dewlete xurt keno, ser o tehluke nêvirazeno.
‘Nakokîyê herême û mîyanneteweyî adirbestî sist kenê’
Yûsif Zadeyî derheqê problemanê vernîya adirbestêko domdar de zî dîyar kerd ke garantîyê mîyanneteweyî nîyê û problemê mîyanê hêzanê herême û mîyanneteweyî de est ê, adirbestî qels kenê. Eke problemî bi rayîranê sîyasî yê pêroyî yê esasê beşdarî û têduştîya heqan ser o nêrê çareserkerdene do adirbest sist bibo û beno ke her game de bixeripîya.
‘Adirbest seba ereban û Misirî îmkan o’
Yûsif Zadeyî îfade kerd ke pêşwazîkerdişê adirbestî hetê ereban û Misirî ra îmkanêko sîyasî yo muhîm o la eke bi garantîyanê destûr û hemkarîyêka rasteqîn ke pêroyê netewanê Sûrîye, sere de kurdan seba projeyêka niştîmanî ya pêroyî entegre nêkero do nêro temamkerdene.
