Cenazaya Nureddîn Sofîyo ke serkêşanê Şorişê Rojawanî ra yew o, ewro yeno berdene bi Qamişloyî.
Merkezê Îrtîbatî û Çapemenîye yê HPG’yî 11ê tebaxe de dabî zanayene ke Nureddîn Sofîyo ke 1990 de tewrê gerîlayan bîbî û 2013 de Şorişê Rojawanî de serkêşîye kerda, 6ê nîsana 2021î de şehîd bîyo.
Eşkerayîye ra dima şaristanê Qamişloyî yê Cizîre de xeymê şînî ronîyayî û Meclîsê Keyeyanê Şehîdan dest pê amadekarîya merasîmî kerd. Goreyê çimeyanê Meclîsî cenaza do ewro morgê Nêweşxaneyê Şaristanî yê Dêrikî ra bêra girewtene û bi konvoyî bêra ardene bi Qamişloyî.
Konvoy Girkê Legê, Çilaxa û Tirbespîyê de do bêro pêşwazîkerdene û saete 17.00 de, Stadyumê Şehîdan ê 12ê Adare de merasîm do bêro kerdene.
