Kitabê Migirdîç Dîkranyanî do bi organîzasyonê Şaredarîya Girde ya Amedî bêro şinasdayene û xebatkarê Beşa Mudirîya Ziwanî ya Şaredarîya Amedî Tahîr Baykuşak babete ser o va ke bi nê tewir xebatê seba ziwanê kurdkî zaf bi avzel ê û ê do biresê armancê xo sudewarî rê.
Kitabê Migirdîç Dîkranyanî bi herfê ermenkî kurdkî ameyo nuştiş. No kitab do bi organîzasyonê Şaredarîya Girde ya Amedî ra girêda Daîreya Karanê Kultir û Komelî ra Dêrê Ermenîyan ê Surp Girasosî de bi panelê “Migirdiç Dikranyanî Dîyarbekirî û metnanê bi kurdkî yê bi herfê ermenkî” bêro şinasdayiş.
Panelî ra zaf hûmarî de ziwanzan, tarîxzan, temsîlkarê partîyê sîyasî, şaredar û welatijê beşdar bibê. Panel de do Prof. Dr. Bulent Bîlmez, Abdurrahman Yîgîtalp, Artun Gebenlîoglu, Îrfan Çagatay, Serhat Bozkurt û Tahîr Baykuşak qise bikerê.
Kitab heqê demê xo de malûmat dano
Xebatkarê Beşa Mudirîya Ziwanî ya Şaredarîya Şaristanê Girde ya Amedî Tahîr Baykuşak seba bernameyê “Migirdiç Dikranyanî Diîyarbekirî û metnanê bi kurdkî yê bi herfê ermenkî” ser o ajansê ma rê qise kerd.
Tahîr Baykuşak dîyar kerd ke Migirdiç Dikrîyan keso ke Amed ra yo, bîyo verpirsîyaro ke payeberz î û wina domna: “1850 de demo ke Kurdistan de gêreno û vîneno ke şarê ermenî, bi kurdkî qise kenê. No ser warzeno bi tîpê ermenkî kitabê kurdkî nuseno. No panel de xususî kitabê Migirdiç Dikrîyanîyî yê Çiyayê Ronî bêro vinderten û bêro şinasdayene. No kitab çiqas kitabo ke dînî bibo zî, heqê demê xo de bi tedeyîya xo, warê ziwan û komelî de zaf malûmatan dano ma.”
Amed şaristanêko zaf ziwanî yo
Baykuşak aşkera kerd ke xususî bikardişê çekûyê kurmancî yê nê demî ser malûmatê avzel dano û wina dewam kerd: “Amed şaristanêko zafziwanî yo, verê seserrê 19î ra zî kitabê zafziwanî ameyê nuştêne. Migirdiç Dîkranyan Amed ra yo, ma hewl danê ke no kitab bi açarnê tîpê latînî, ma wazenê kesê ke edebiyatê kurdkî ser o xebityenê wa hawil bigê ci ra.”
Baykuşak ard ziwan ke na xebate do bi serkewte bî, sey wina xebatê înan ê balkêş bibê û wina qedîna: “No ser zî ma do cigêrayişê xo her tim bidomnê. Ma sifte xebata xo ra bi kitabê Çirayê Ironî destpê kerd, eke qismet bibo do ameyox de Elîfbaya Kurdî ya ke bi tîpê ermenkî kitabê Dîkranyanî ra 6 serrê verê ci ameyo nuştiş, na elfaba zî ma do biaçarnê tîpê latînî. Bi nê tewir xebate seba ziwanê kurdkî zaf muhîm ê û ma do biresê armancê xo yê sudewarî rê.”
