Rayberê Şarê Kurdî Abdullah Ocalanî merasîmê Xelatanê Gurbetellî Ersoz rê mesajêk şawit vat: “Vîrameyîşê Gurbetellî semedê ma pêrune mîrasêk o ke rayîr mojneno. Roşnê aye rayîrê çapemenîya azade roşn keno.”
Rayberê Şarê Kurdî Abdullah Ocalanî merasîmê Xelatanê Rojnamegerîye yê Cinîyan ê Gurbetellî Ersoz rê yo ke emser reya verêne yeno kerdene, mesaj şawit.
Mesaj wina yo: “Ez şima pêrune selam kena… Ewro ez tîya nê merasîmê bimanayî yo ke semedê Gurbetellî Ersoz ame organîzekerdene, selam kena. Mi Gurbetellî Ersoz nas kerd; mi aye reyde wext ravîyarna, fîkrê ci goştarî kerdî û azmê têkoşînê ci rê şahîde kerd ke nê cuyeya mi de rêçêka ninê esteretene verda. Werêkna mi aye reyde dahîna zaf wext ravîyarnayêne. Tewr zaf ez nê rê qehrîyena.
Hema zî mi hela ke ma yewbînan ra xatir waşt xo vîra nêkerdo. Senî ke xatirwaştişê mi yê bi Kemal Pîrî zîhnê mi de ganî mendo, xatirwaştişê bi Gurbetellî zî wina aqil û zerrîya mi de ciwîyeno. Nê semedî ra vîrameyîşê Gurbetellî semedê ma pêrune mîrasêko rayîr mojneno. Azm û qerardarîya aye û têkoşîno ke aye semedê cuyeya azade da her kesî rê berpirsîyarîye bare keno. Wezîfeyê ma pêrun o ke ma vîrameyîşê Gurbetellî bidê ciwîyayene, fîkîr û têkoşînê ci bi kirişê ameyoxî.
Ewro ez aye reyna bi hurmet û hesret û mînetî yad kena. Roşnê aye rayîrê çapemenîya azade roşnkerdişî rê dewam keno.
Abdullah Ocalan
Girawa Îmraliyî.”
