Seba serrgêra qirkerdişê Dersimî ya 88. Dêrsim de zaf çalakîyî virazîyayî. Nînan ra yew zî Meydanê Seyîd Rizayî de bi gulbangan çila ameye tafiştene û verde merdanê xo rê lorikî ameyê vatene.
Meydanê Seyîd Rizayî de programê vîrardene ame viraştene. Qiseykerdişî de ke ameyî kerdene, dewlete ra ame vatene ke wa qirkerdişê reyde bêrê rî bi rî bêrê.
4ê Gulana 1937î de bi qerarê Komîteya Wezîran qirkerdişo ke vera şarê Dêrsimî dest pêkerdo, sersera 88. de kesê ke ameyî qetilkerdiş sare de Dêrsim de û zaf şaristan û welatanê bînan de ameyê vîrardiş.
Dêrsim de mîyanê roje de Gola Çetoyî de loqmeyî ameyî parekerdene. Mîyanê suka Dêrsimî de zî yew rayîrşîyayîş virazîya. Heyet zî saete 19:38î de meydanê Seyîd Rizayî de verê çilayan de gulbangî ameyî vendene û lorikî ameyî vatene.
Fîraz Yalvaç a ke Ocaxa Dewrêş Cemalî ra ya gulbange wende û yew lorike zî vate. Fîraz Yalvaçe ra dima hunermendanê Dêrsimî ra Hasan Ekîcî, Raber Dîler, Zeynep Kiliç, Nilufer Akdax û Husnu Gungorî bi ziwanê kirmanckî lorikî vatî.
