• Kurmancî
  • Kirmanckî
  • |
  • Derheqê Ma De
  • |
[email protected]
Ajansa Welat
16 MIJDAR 2026
No Result
View All Result
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
No Result
View All Result
Ajansa Welat
No Result
View All Result

Rûken Kilinçe: ‘Ganî mezelê Seyîd Riza û embazanê ey bêrê eşkerakerdiş’

Murat Temel / AW

15 MIJDAR 2026 - 10:57
Kategorî: KIRMANCKÎ - MANŞET, KIRMANCKÎ - ROJANE
A A
Wan – Îdarekara Komeleya DAD’î ya Wanî Rûken Kilinçe derheqê eşkeranêkerdişê cayê mezelanê Seyîd Riza û embazanê ey de ard ziwan ke rixmê ke dardekerdişê înan ser ra 89 serrî vîyartê zî, hema cayê mezelanê înan nêyeno zanayîş û wina vat: “Wayîrvejîyayîşo raştên ê mîrasê ey, pawitişê îqrarî, vindertişê vera asîmîlasyonî û qebulkerdişê heqîqetî yo.”

Dardekerdişê Pîr Seyîd Riza, lajê ey Resîk Huseyîn û 5 pêşenganê bînan ê Dêrsimî ser ra ke 15ê teşrîna peyêne ya 1937î de Meydanê Genimî yê Xarpêtî de ameyî qetilkerdiş, 89 serrî vîyartî. Rixmê ke hende serrî vîyartê zî, cenazeyê Seyîd Riza û embazanê ey keyeyanê înan rê nêameyî teslîmkerdiş û cayê mezelanê înan hema zî yeno nimitiş.

Îdarekara Komeleya DAD’î ya Wanî Rûken Kilinçe derheqê serrgêra 89. ya qetilkerdişê Seyîd Riza û embazanê ey de ajansê ma rê qisey kerd û polîtîkaya dewlete ya nimitişê cayê mezelan rexne kerde.

‘Nimitişê cayê mezelan tesaduf nîyo’

Rûken Kilinçe dîyar kerd ke 89 serrî yo cayê mezelanê Seyîd Riza û embazanê ey nêameyo eşkerakerdiş. Rûken Kilinçe da zanayîş ke no tena nezanîyayîşêk nîyo; nîşaneya tewr şênbere ya dewamkerdişê polîtîkaya înkarê sîstematîkî û vîndîkerdişê vîrî ya. Rûken Kilinçe îfade kerd ke cenazeyê Seyîd Riza, lajê ey Resîk Huseyîn û panc pêşenganê bînan ê Dêrsimî yê ke 15ê teşrîna peyêne ya 1937î de Meydanê Genimî yê Xarpêtî de ameyî dardekerdiş, hem keyeyanê înan rê nêameyî teslîmkerdiş hem zî hetanî ewro cayê mezelanê înan nêameyo eşkerakerdiş.

Rûken Kilinçe ard ziwan ke na rewşe tesaduf nîya û wina vat: “Nimitişê cayê mezelan, astengkerdişê vîrardiş, zîyaret û cigêrayîşê heqîqetî yo. Sewbîna seba vîrrakerdişê qirkerdişê Dêrsimî û erey vistişê têrîameyîşî yo.”

‘Eşkerakerdişê cayê mezelan heqêko merdimî û bawerîye yo’

Rûken Kilinçe bale ante muhimîya definkerdiş û zîyaretê mezelan a bawerîya elewîyan ser û wina dewam kerd: “Ganî cayê mezelanê Seyîd Riza û şeş canê bînî yê ke ameyê dardekerdiş tavilî bêrê eşkerakerdiş. Ganî astengê verê berdişê cenazeyan ê Dêrsim bêrê wedaritiş, arşîvî bêrê akerdiş û qirkerdişî reyde têrîameyîşêko samîmî bibo. No waştiş seba ma helwestêko sîyasî nîyo, heqêko bingeyên ê merdimî û bawerîye yo. Çunke bawerîya elewîyan de definkerdiş, zîyaretê mezelî û vîrardiş esas ê. Nezanîyayîşê cayê mezelî şîna keyeyan û şîna komelê pêroyî her tim ganî tepişena.”

‘89 serrî vîyartî la tu gam nêameya eştiş’

Rûken Kilinçe dîyar kerd ke rixmê ke 89 serrî vîyartê zî, nêeştişê na game mojneno ke çîyê ke serranê 1937-38î de qewimîyayê, hema zî bi resmî nêameyê qebulkerdiş û wina dewam kerd: “Şarê Dêrsimî ra efû nêameyo waştiş û zîhnîyetê asîmîlasyonî dewam keno. Têrîameyîşêko samîmî tena raştîya komarêka demokratîke de mumkin o. Eşkerakerdişê cayê mezelan yew gamanê tewr bingeyênan û gama destpêkî ya. Ma do bi wayîrvejîyayîşê helwestê Seyîd Riza yo ke vatêne ‘anîya ma de lekeyêka sîyaye çin a, serê ma berz o’ no waştiş biyarê ziwan.”

‘Wayîrvejîyayîşê mîrasî vindertişê vera asîmîlasyonî yo’

Rûken Kilinçe ard vîrî ke Seyîd Riza deqaya xo ya peyêne de zî canê xo ney, şarê xo û domananê ke dima ra verdayî ser o fikirîyayo û wina dewam kerd: “Seyîd Riza xo ney, şarê xo, domananê xo û ameyoxî ser o fikirîyayo. Ewro ma tayê wayîrê nê wesîyetî vejîyenê la bes nîyo. Hema zî ziwanê ma, bawerîya ma, nasnameya ma û tarîxê ma bin zextî de yê. Wayîrvejîyayîş bi manaya xo ya raştêne pawitişê îqrarê ma, vindertişê vera asîmîlasyonî, peyser girewtişê nameyê Dêrsimî û qebulkerdişê heqîqetî yo. Hetanî ke ma nê çîyan nêkerê, ma bi temamî wayîrê mîrasê Seyîd Riza nêvejîyayê.”

‘Kişta şarê xo de vindert û nesilanê ameyoxî rê wesîyetêk verda’

Rûken Kilinçe da zanayîş ke cuya 74 serreyî ya Seyîd Riza û xatirwaştişê ey ê verê dare bi têgêrayîşê serberzî û îqrarî ameyê tarîfkerdiş û qiseyê xo wina qedêna: “Cuya ey ya 74 serreyî û vateyê ey yê peyênî pêro ser helwestêko bişeref, vera zulmî ameybî awankerdiş. Sere nêna, kişta şarê xo de vindert û nesilanê ameyoxî rê wesîyetêk verda.”

Tags: DADElewîMezelê Seyîd RizaRûken KilinçSeyid RizaTerteleyê DêrsimîWan
ShareTweetSendShareShare

Nûçeyên Din

Seyîd Riza û embazanê ey yad bîy: Gereke cayê mezelanê înan eşkera bibo

Seyîd Riza û embazanê ey yad bîy: Gereke cayê mezelanê înan eşkera bibo

15 MIJDAR 2026
YCK-KURD: Amanc azadîya fîzîkî ya Rayber Apo û komelo demokratîk o

YCK-KURD: Amanc azadîya fîzîkî ya Rayber Apo û komelo demokratîk o

15 MIJDAR 2026
Cinîyan ra vengdayîş: Wa bêcezatî biqedîyo, şîdetê camêrd-dewlete reyde têrîameyîş bibo

Cinîyan ra vengdayîş: Wa bêcezatî biqedîyo, şîdetê camêrd-dewlete reyde têrîameyîş bibo

15 MIJDAR 2026
Seyîd Riza û embazê ey Dêrsim de ameyî vîrardene: Tekoşînê înan ma rê roşnayî ya

Seyîd Riza û embazê ey Dêrsim de ameyî vîrardene: Tekoşînê înan ma rê roşnayî ya

15 MIJDAR 2026
Federasyonê Elewî Bektaşîyan: Serra 89îne de edalet cayê xo nêresayo, heqîqet nêame eşkerakerdene!

Federasyonê Elewî Bektaşîyan: Serra 89îne de edalet cayê xo nêresayo, heqîqet nêame eşkerakerdene!

15 MIJDAR 2026
KNK’yî veng da ke cayê mezelanê Seyîd Riza û embazanê ey bêro eşkerakerdiş

KNK’yî veng da ke cayê mezelanê Seyîd Riza û embazanê ey bêro eşkerakerdiş

15 MIJDAR 2026

↗️ XEBERÊ KE ZAF AMEYÊ WENDIŞ

Seyîd Riza û embazanê ey yad bîy: Gereke cayê mezelanê înan eşkera bibo

Seyîd Riza û embazanê ey yad bîy: Gereke cayê mezelanê înan eşkera bibo

15 MIJDAR 2026
Seyîd Riza û embazê ey ebi kilaman ameyî vîrardene

Seyîd Riza û embazê ey ebi kilaman ameyî vîrardene

15 MIJDAR 2026
YCK-KURD: Amanc azadîya fîzîkî ya Rayber Apo û komelo demokratîk o

YCK-KURD: Amanc azadîya fîzîkî ya Rayber Apo û komelo demokratîk o

15 MIJDAR 2026
Cinîyan ra vengdayîş: Wa bêcezatî biqedîyo, şîdetê camêrd-dewlete reyde têrîameyîş bibo

Cinîyan ra vengdayîş: Wa bêcezatî biqedîyo, şîdetê camêrd-dewlete reyde têrîameyîş bibo

15 MIJDAR 2026
Seyîd Riza û embazê ey Dêrsim de ameyî vîrardene: Tekoşînê înan ma rê roşnayî ya

Seyîd Riza û embazê ey Dêrsim de ameyî vîrardene: Tekoşînê înan ma rê roşnayî ya

15 MIJDAR 2026

ARŞÎV

  • MIJDAR 2026 (212)
  • COTMEH 2026 (357)
  • ÎLON 2026 (274)
  • TEBAX 2026 (308)
  • TÎRMEH 2026 (406)
  • HEZÎRAN 2026 (336)
  • GULAN 2026 (327)
  • NÎSAN 2026 (349)
  • ADAR 2026 (422)
  • SIBAT 2026 (387)
  • ÇILE 2026 (540)
  • KANÛN 2025 (254)
  • MIJDAR 2025 (226)
  • COTMEH 2025 (209)
  • ÎLON 2025 (232)
  • TEBAX 2025 (210)
  • TÎRMEH 2025 (299)
  • HEZÎRAN 2025 (257)
  • GULAN 2025 (334)
  • NÎSAN 2025 (265)
  • ADAR 2025 (317)
  • SIBAT 2025 (317)
  • ÇILE 2025 (298)
  • KANÛN 2024 (293)

Ajansa Welat, bi xeberanê xusûsîyan, dosya, cigêrayîş, dîmen û vengan komelî agahdar û roşnî kena.

Bi şîarê agahîyanê raşt û objektîfan weşanî esas gêna, serê şopa heqîqetî de agahîyan vila kena.

Ajansa Welat bi xeber û tedeyanê xo bena veng û rengê welatî.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

No Result
View All Result
  • HEME XEBERÎ
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • KURMANCÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne