Stenbol – Kesên nasnameyên wan ne diyar êrîşî Goristana Surp Garabet a Ermeniyan a Stenbolê kirin û zirarê dan 6 gor û kaniyek
Di şeva 7ê Tîrmehê de li navçeya Uskudarê ya Stenbolê kesên nasnameya wan ne diyar êrîşî Goristana Surp Garabet a Ermeniyan kirin. Li gorî nûçeyan AGOSê di ser diwarên goristanê de kesek an kes ketine nava goristanê û êrîşî goran kirine. Di encama êrîşê de 6 gor û kaniyek zirar dît.
Patrîkliga Ermeniyan a Tirkiyeyê derbarê bûyerê de gilî Emniyeta Stenbolê kir û wan agahiyan da: “Kes an jî kesên ku êrîşê pêk anîne hê nehatine girtin. Dêra Surp Garabet a Uskudarê agahî da me û diyar kir ku êrîş li ser gora ku Surp Garabetê a Baglarbasiyê pêk hatiye. Me demildest lêpirsîn da destpêkirin. Ji bo kes an jî kesên ku êrîşî goristinan kirine divê demildest werin dîtin. Em vê êrîşên ku menfûr e, li cihê pîroz şermezar dikin.”
Derbarê bûyerê de lêpirsîn hêj berdewam dike.
