Haci Aslan ê ku di sala 1992yan de bi hevjîna xwe re hatibû girtin piştî 34 salan hate berdan, ev tişt anî ziman: “Rihê min di girtîgehê de ma. Divê em ji bo Serokê xwe bixebitin.”
Haci Aslan di sala 1992yan de li Edeneyê bi hevjîna xwe Hediye Aslan re hatibû girtin. Hediye Aslan piştî 5 salan li Girtîgeha Konyayê hatibû berdan. Haci Aslan bi rêzê li Girtîgeha Tîpa F a Kurkculer, girtîgehên Nevşehîr, Ceyhan, Sîlîfke, Semsûrê ma û ev 15 salin li Girtîgeha Afyonkarahîsarê dihat ragirtin.
Haci Aslan ji aliyê malbata xwe, Komeleya Alîkarî û Piştevaniya bi Malbatên Girtî û Hikûmxwaran re ya Marmarayê (MATUHAYDER), rêxistina DEM Partiyê ya navçeya Baxçelîevlerê ve hate pêşwazîkirin.
Haci Aslan piştî hate berdan ev tişt got: “Heta ku Serokê me di girtîgehê de be, ma em ê çawa kêfxweş bin. Rihê min di girtîgehê de ma. Dive em li ber xwe bidin. Barêk giran heye, divê wî barî hilgirin û ji bo Serokê xwe bixebitin.”
