Berpirsa Siyaseta Derve ya YEyê ragihand ku agirbesta li Sûriyeyê hîn ne di asteke xurt de ye. Kallas bang li aliyên Sûriyeyî kir ku ji bo avakirina hikûmeteke nîştimanî û berfireh pêngavan biavêjin.
Berpirsa Bilind a Siyaseta Derve û Ewlehiyê ya Yekîtiya Ewropayê Kaja Kallas ji dezgehên çapemeniyê re axivî û ragihand ku her çend li Sûriyeyê agirbestek hebe jî, ev rewş hîn gelekî “hestiyar û lerzok” e.
Kaja Kallas destnîşan kir ku daxwaza wan ew e ku hemû aliyên Sûriyeyê bi hev re kar bikin û got, “Em dixwazin hêzên Sûriyeyî hikûmeteke berfireh ava bikin ku tu kes li derveyî wê nemîne û aştiyeke niştimanî pêk were.”
Kaja Kallas anî ziman ku Yekitiya Ewropayê (YE) bi hemû şiyana xwe piştgiriyê dide vê pêvajoyê û aşkera kir ku ew niha di nav gotûbêjan de ne ka gelo ketiye dema ku peywendiyên dîplomatîk ên asta bilind bi Sûriyeyê re deynin an na, da ku fikarên xwe yên der barê rewşa welat de bînin ziman.
Peymana HSD û hikûmeta demkî ya Sûriyeyê 29ê çileyê hatibû ragihandin û di 2yê sibata 2026an de ketibû meriyetê.
