Welatijê Wanî derheqê peymane de ke mabênê HSD û hukmatê demkî yê Şamî de ameya îmzakerdene, qisey kerd û îfade kerd ke heta ke na peymane destûrî de nêra nuştene, ê do têkoşînê xo ra fekveranêdê û lingan ser o bî.
Bi xoverdayîşê çar hetanê Kurdîstan û dîasporayî hukmatê demkî yê Şamî bêçare mend ke Hêzanê Sûrîya Demokratîke (HSD) û Rayberîya Xosere reyde ronişo. Encamê dayîşûgirewtişanê heyetanê HSD-Rayberîya Xoser û hukmatê Şamî de 30ê çele de peymanêk mabênê her di hetan de ameye îmzakerdene. Welatijê Wanî derheqê na peymane de ajansê ma rê qisey kerd û vat ke seba ke heta nika hukmatê Şamî heme peyman û adirbestî binpay kerdê, bawerîya înan bi Şamî nêyena. Welatijan îfade kerd ke heta na peymane destûrê bingeyîn ê Sûrîye de nêra nuştene û nêkewa merîyetî kurdî têkoşînê xo ra fekveranêdanê û do lingan ser o bî.
