Li navçeya Westanê ji bo endamê HSDê Rêber Egîd ê ku di şerê li dijî çeteyên HTŞ, SMO û DAIŞê jiyana xwe ji dest dabû mewlûd hate dayîn.
Li navçeya Westan a Wanê ji bo endamê Hêzên Sûriya demokratîk (HSD) Rêber Egîd ê ku di 4 di 20ê çileya 2026an de li Kobanê jiyana xwe ji dest mewlûd hate dayîn. Endamên partiyên siyasî, nunerên saziyên civakî, hevşaredarên navçeya Westan û Artêmetanê û gelek welatî tev li mewlûdê bûn.
Di mewlûdê de seydayên Komelaya Melayan ji bo yekitiya gelê Kurd û aramiya Rojhilata Navîn dûa xwendin.
Dûre hevseroka MEBYA-DERê Xanim Kaya endamû HSDê Rêber Egîd bi bîr anî û ev tiş got: “Em Rojava bi tenê nahêlin. Çawa heval Rêbe heya dawiyê li ber xwe da em ê jî li her derê li ber xwe bidin. Em ji herkesê ku ji bo qetilkirina Kurdan, jinan û zarokan bi destê çeteyan digire re dibêjin ‘em li vir in.’ Her parçeyekî Kurdistanê bûye Rojava.”
Hevseroka Partiya Herêmên Demokratîk (DBP) Gonul Uzunay jî berxwedana Rojava bi bir xist û ev tişt anî ziman: “Keç û xortên Kurdan li xeta Rojava parastina mirovahiyê kirin. Lewma cihan hemû xwedî li Rojava derket. Îro jî bi konsepteke navneteweyî dixwazin ku di nava gelê Kurd de paradîgmaya Abdullah Ocalan bifetisînin. Lê di hevdîtinên Şamê de eşkere dibe ku neçar mane bi gelê Kurd re li hev bikin. Ev bi saya şehîdan e. Em dizanin ku em çi bikin jî ji ked û têkoşîna wan re nabe bersiv.”
Mewlûd bi xwendina dûayan bi dawi bû.
