Bi hezaran welatijanê Qamişlo verê xo da berê sînorê Nisêbînî. Welatijî seba ke pêşwazîya çalakîya şarê Nisêbînî bikerê kom benê.
Vakurê Kurdîstanî bi des hezaran welatijî seba piştgirîya xoverdayîşê Rojava bikerê, verê xo da sînorê Vakur û Rojava. Bi hezaran welatijanê Qamişlo zî verê xo da berê sînorî ke piştgirîya şarê Vakurî bikerê.
Goreyê xebera Ajansê Xeberan ê Hawarî (ANHA) leşkerê tirkî seba ke welatijanê Qamişlo asteng bikerê, girseyê şarî ser o guleyan varnenê.
Nisêbîn de bi des hezaran welatijî ameybî têhet û eşkerayî ra pey Grûba Meclîsî ya DEM Partî seba ke paştî bidê Rojava verê xo da sînorî. Şar cehd keno ke têlanê sînorî vîyarno.
