Rojnameger Haşîm Abak û 2 kesê ke ey reyde 4 rojî verê cû bi îxbarêk ameybî destbendkerdiş, bi şertê kontrolê edlî ameyî veradayîş.
Muxabîrê Ajansê Mezopotamya (MA) Haşîm Abak, N.O. û H.T. 4ê teşrîna peyêne de qezaya Nisêbînî ya Mardînî de ameybî destbendkerdiş. Her hîrê kesî bi şertê kontrolê edlî ameyî veradayîş.
Haşîm Abak û kesê ke ey reyde bîyî ser “îxbarêk” û bi îdîaya “endamîya rêxistine” ameybî destbendkerdiş. Badê îfadeyê mudirîya polîsan ewro sewqê Edlîyeya Mardînî bîyî.
Her hîrê kesî badê îfadeyê dozgerîye bi şertê kontrolê edlî sewqê Dadgehê Cezayî yê Sulhî bîyî. Haşîm Abakî û kesanê ke ey reyde bîyî dîyar kerd ke bi îxbarêko sexte ameyê destbendkerdiş.
Dadgehî Haşîm Abak û kesê ke ey reyde bîyî bi şertê kontrolê edlî û qedexeya vejîyayîşê teberê welatî verdayî.
