Fermandarê Giştî yê HSDê Mazlûm Ebdî diyar kir ku ew hewl didin bi navbeynkariya hin hêzên navneteweyî rewşê aram bikin û bang li gel kir ku piştgiriyê bidin şervanên xwe û baweriya xwe xurt bikin.
Fermandarê Giştî yê Hêzên Sûriya Demokratîk (HSD) Mazlûm Ebdî ji ANHAyê re axivî û bi bîr xist ku êrişên sîstematîk ên li ser taxên Kurdan ên li Helebê di 6ê Çileyê de dest pê kirine û li deverên Bakur û Rojhilatê Sûriyeyê yên wekî Tebqa, gundewarê başûrê Reqqayê û Dêra Zorê belav bûne.
Mazlûm Ebdî diyar kir ku tevî hemû hewldanên wan ên ji bo rawestandina şer û aramkirina rewşê, êriş berdewam dikin û ligel vê hewldanên aramkirinê jî berdewam dikin.
Ebdî got: “Em ji gelê xwe re radigihînin ku hewldanên me yên ji bo aramkirin û agirbestê, bi alîkariya aliyên navneteweyî, berdewamin. Ji ber vê yekê, em bang li gelê xwe dikin ku bi awayekî wêrekî li dora zarokên xwe, şervanên me bicivin û di baweriya xwe de bi israr bimînin.”
