Bi pêşengiya Meclisa Ciwanan a DEM Partî û DBPê yên Amedê li dijî êrişên li ser Taxên Kurdan Şêxmeqsûd, Eşrefiyê û Benî Zêd ên Helebê meş hat lidarxistin.
Çeteyên hikûmeta demkî ya Şamê ku girêdayî Tirkiyeyê ne, li dijî taxên Kurdan Şêxmeqsûd, Eşrefiyê û Benî Zêd ên Helebê êrîşên giran pêk tînin. Ji bo xwedîderketina li taxên Şêxmeqsûd û Eşrefiyê yên Helebê bi pêşengiya Meclisa Ciwanan a DEM Partiyê bi tev li bûna gelek kesan li navçeya Peyasê ya Amedê meşeke hat lidarxistin. Parlamentera DEM Partiyê ya Amedê Ceylan Akça, Hevserokê DEM Partiyê ya Amedê, Hevseroka DBPê ya Amedê Rûçem Vefa Elyakût û gelek ciwan tev li meşê bûn. Gel jî bi çepikan piştgirî dan meşê.
Meş li pêşiya avahiya DEM Partiyê ya Peyasê destpê kir û heta Cadeya Huzurevlerî berdewam kir. Di meşê de dirûşmeyên “ Bijî berxwedana HSDê’, ‘Rojava û rojhilatê Kurdistan yek welat’ û ‘HSD dimeşe erd û ezman dihejê” hatin berzkirin.
Piştî meşê Abbas Şahîn axivî û gel vexwend meşa sibê saet 15.00an ji Parka Koşuyoluyê destpê bike û heta AZC Plazayê bidome.
