Wezîrê Dadê Yilmaz Tunç têkildarî daxwaza MHPê ya ji bo “Qanûna înfazê” axivî û got ku ne guhertina qanûna înfazê ne jî efû di rojeva wan de nîn e.
Wezîrê Dadê Yilmaz Tunç beriya civîna heftane ya koma AKPê axivî û ji bo daxwaza guhertina “Qanûna înfazê” ya MHPê wiha got: “Mijareke weke guhertina qanûna înfazê yan jî efûyê di rojeva me de nîn e. Paketa 12emîn a Darazê ne têkildarî înfazê lê ji bo sepanên darazê çalaktir bixebitin dê were kirin.”
Cîgirê Serokê Giştî yê MHPê Fetî Yildiz derbarê guhertina qanûna înfazê de gotibû: “Di esasê xwe de me sererastkirineke înfazê kir. 50 hezar kes derdikevin. 50-60 hezarên din jî dê derkevin. Tişta ez li vir behsa wê dikim Qanûna Înfazê ye. Heke em Qanûna Înfazê derxînin, dê di nava verastkirina înfazê de be. Em ê yasayeke li gorî destûra bingehîn derxînin û dê bi wan re lihev bikin. Tekane tişta di înfazê de em lihev nakin, ew in. Em ê wan jî biaxivin. Rewşekî ku em bibêjin dê nîvî bikin tune ye.”
