Vewra zafe ya ke Wan de varaye, cuya welatijan ser o negatîf tesîr kerd û şaredarî zî pakîye de kêmî mendê.
Wan de 29ê kanûne de varayîşê vewre dest pêkerd û no hîrê rojî yo dewam keno. Encamê varayîşê vewre zafe ya Wanî de rayîrê 569 dewan ameyê girewtene û ekîbê şaredarîyan seba pakkerdişê nê rayîran kewtê mîyanê têgêrayîşî. Kuçe û cehdeyê merkezê Wanî zî vewra zafe, hetê şîyayîş û ameyîşî de gelekî astengî vetê orte. Taybetî zî vewra ke erdî de menda, şîyayîş û ameyîşê hîna zehmet kena.
Welatijê ke bi îmkananê xo rayîr û peyarayîrê derûdorê xo pak kerdê û bale ancenê xebatanê şaredarî ser o. Welatjijan hemverê vewra ke erd de menda û kuçeyanê şemitok reaksîyonê xo mojnayê.
