Metin Toprak ê 30 sal û 9 meh in girtî ma û Ramazan Taş ê ku 9 sal û 9 mehan girtî ma, ji Girtîgeha Tîpa F a Hejmar 1 ya Kiriklar a Îzmîrê tehliye bûn.
Metin Toprak û Ramazan Taş ji hêla rêveber û endamên EGE-TUHAYDER, ANYAKAYDERê ve hatin pêşwazîkirin. Metin Toprak sala 1995an li Bedlîsê Bedlîsê hat girtin û bi “Endamtiya rêxistinê’’ li DGMê bi muebetê hat darizandin. Metin Toprak, 30 sal û 9 mehên xwe ku ev 9 mehê dawî ji ber taloqkirina tehliyeyê bû. Li girtîgehên Dîlok, Êlih, Rîze, Kirikale û Îzmîrê ma. Metin Toprak herî dawî dema hatî serdana dayika xwe dayika wî çûbû ser dilovaniya xwe.
Ramazan Taş 15ê Kanûna sala 2016 li Îzmîrê hatî girtin li dadgeha bilind a Mêrdînê cezayê muebeta giran hat darizandin û her wiha tehliyeya wî jî 9 mehan hat taloqkirin.
Ramazan Taş, li gel Metin Toprak bi girseyî hatin pêşwazîkirin. Ramazan Taş anî ziman ku piştî demeke dirêj di girtîgehê de man û got: “Bi dewleta dagirker re jî pêvajoyek tê meşandin. Rewş her çi be jî esasê têkoşîna me azadiya Rêber Apo ye. Heta Rêber Apo azad nebe û neye nav gele Kurd, gele Kurd ti carî azad nabe. Azadiya me rasterast bi azadiya Rêber Apo ve girêdayî ye. Em ê heta Rêber Apo azad bibe çi li girtîgehan çi jî li derve têkoşîna xwe her bidomînin. Ez silavên xwe li hemû girtiyên azadiyê dikim. Dê serkeftin ya me be.’’
