Amed – Weqfa Mezopotamyayê dê di 22yê Mijdarê de li Amedê kursa rastnivîsîna zaravayê kurmancî yê Kurdî ya rûbirû li dar bixe.
Weqfa Mezopotamyayê li Amedê li ser rastnivîsîna zaravayê kurmancî yê Kurdî kurseke bisertîfîka û rûbirû li dar dixe. Serlêdanên ji bo kursê dest pê kirine dê di 18ê Mijdarê de bi dawî bibin. Kurs dê bi 30 kesî sînorkirî be. Kursa ku dê di 22yê Mijdarê dest pê bike, dê di 7ê Kanûnê de bi dawî bibe. Weqfê lînka ji bo serlêdanê parve kir û wiha got: “Ji bo serlêdanê divê forma serlêdanê, bêyî kêmasî bê dagirtin. Ji bo ku hûn bikarin dagirin divê pêşî hûn qeyda endamtîya xwe li ser otomasyonê çê bikin. Ji bo qeyda endamtîyê lînkê bitikînin ‘http://online.wmezopotamyaye.org/'”
Weqfê da zanîn ku kesên ku hatine qebûlkirin yan jî nehatine qebûlkirin dê di 20ê Mijdarê de bên dîyarkirin û destnîşan kir ku ji bo mafê wergirtina sertîfîkayê, divê kursîyer bi kêmanî beşdarî ji sedî heştêyê dersan bibin. Weqfê diyar kir ku kurs bêpere ye û bi lêv kir ku di dîyarkirina kursîyeran da xwendina zanîngehê, xwendina beşa kurdî, kirina karê redaktorîyê, nivîsîna bikurdî xalên sereke ne. Weqfê da zanîn ku kesên têkildarî kursê pirsan bipirsin dikarin bi vê nimreyê xwe bigihînin wan: 0549 440 2220
