Şaredariya Bismilê li Qada Newrozê ya navçeyê ‘Konsera Gel’ li xist. Hevşaredar Mizgîn Tekîn got ku çand ji bo wan gelek bi qîmet e.
Şaredariya Bismilê ya Amedê li Qada Newrozê ‘Konsera Gel’ li dar xist. Di konserê de hevşaredarên navçeyê Mizgîn Tekîn û Hecî Guven Tanrikulu, hevserokên Partiya Wekhevî û Demokrasiyê ya Gelan (DEM Partî) yên navçeyê Halîse Deger Erkek, Cemîl Tekîn Oz, Tevgera Jinên Azad (TJA), Partiya Herêmên Demokratîk (DBP), hevşaredarên navçeyaên Pasûr û Bajarê Nû yên Amedê û gelek endamên saziyên navçeyê beşdarî konserê bûn. Girseya ku hatibû konserê li ber stranan govend gerandin. Gelek caran ciwanan dirûşmeyên “Bê Serok jiyan nabe”, “Bijî Serok Apo” û “Selocan can e” berz kirin.
Beriya ku konser destpê bike Hevşaredar Mizgîn Tekîn got ku çand ji bo wan gelek bi qîmet e û wiha axivî: “Em di rojeke dîrokî de ne û pêvajoya ‘Aştî û Civaka Demokratîk’ jî destpêkiriye. Gelê Kurd hertim aştiyê dixwaze. Em ê vê konsera xwe bi rihê aştiyê li dar bixin. Çand, ziman û hunera Kurdî ji bo me gelek bi qîmet e.”
Piştre Hevşaredarê navçeyê Hecî Guven Tanrikulu jî wiha got: “Em hêvî dikin di pêşerojê de aştiyek pêk bê. Ev tişt hemû ji bo çand, ziman û nasnameya me ye. Bi salan e ku pergala qeyûmê dest danî bû ser şaredariyên me, dîsa ji nû em çand û hunera xwe bilind bikin.”
