Li Amedê 2yemîn Mihrîcana Çandê û Parvekirina Keda Jinan a Şaredariya Peyasê dest pê kir û Mihrîcan dê heta roj yekşemê bi çalakiyên hunerî bidome.
Li Amedê Gerînendetiya Polîtîkayên Jinan a Şaredariya Peyasê bi dirûşmeya “Bi ked û çanda xwe piştgiriya xwe mezin dikin” 2yemîn Mihrîcana Çand û Parvekirina Keda Jinan li Park Ormanê ya navçeya Peyasê ya Amedê li dar xistin. Mihrîcana ku 3 rojan berdewam bike îro destpê kir. Hevşaredarên Peyasê Bêrîvan Gulşen Sîncar û Cengîz Çandar, Hevşaredarn Bajarê Mezin ê Amedê Dogan Hatun û parlamentera DEM Partiyê Ceylan Akça û gelek kes tevlî mihrîcanê bûn. Di mihrîcanê de gelek şaredariyên navçeyên Amedê, saziyên jinan û jinên kedkar stand vekirin. Jinên Amedê bi coşek mezin tevlî mihrîcanê bûn.
Di roja yekem de standên piştgiriya keda jinan hat vekirin, çalakiyên werzîşê hat kirin û di berdewamiya şevê de Govenderên Jin govend girtin. Di roja yekem a mihrîcanê de Koma Sorjiyan derket ser dikê û bi stranên xwe girse coşand. Roja yekem a mihrîcanê bi gerandina govendê bi dawî bû.
