Neteweyanê Yewbîyaye (NY) bi rengêko fermî eşkera kerd ke Xeza de xela est a û zêdeyî 500 hezar kesî asta ‘felaketî’ vêşanî de yê.
Çarçiweya Destnîşankerdişê Yewbiyayîşê Entegreya Ewleyî yê Xida (IPC) yo ke merkezo ci Roma de yo û girêdayeyê Neteweyanê Yewbîyayeyan o, eşkera kerd ke zêdeyê 500 hezar kesî asta ‘felaketî’ de vêşanî de yê.
IPC îzeh kerd ke na xela, tewr verên Rojhelatê Mîyanênî de destpê kerd. Goreyê IPC’yî, xela nika şaristanê Xeza de ya. Wina şîro hetanî peynîya aşma êlule bireso Deyr el-Belah û Xan Yûnis.
Hûmara qurbaniyan zêdîyena
Roja ke xela ameye eşkerakerdiş, Îsraîlî taxa Şêx Ridwanî ya bakurê Xeza de, wendegehêkê fîlîstînîyê koçberî tede bîyî, kerd hedef. Goreyê xeberan, netîceyê hêrişî de 12 kesî merdî. Rojanê peyênan de hûmara merdeyanê Şerîdê Xeza resa 25 kesî ra. Goreyê xeberan, mabenê înan de çendî ci domanî bîyî.
