Nûnerên Kampa Mexmûrê yên ku çûn Bexdayê û hatibûn girtin 37 roj berê ji hêla Iraqê ve hatibûn binçavkirin, hatin berdan.
Şandeya ku ji Hevserokê Meclisa Gel a Wargeha Penaberan ya Şehîd Rûstem Cûdî (Mexmûr) Ehmed Şehbaz, Hevşaredar Edban Yilmaz û Hevberdevkê Komîteya Têkiliyên Derve Bêwar Emîn pêk dihat, ji bo çareserkirina pirsgirêkên wargehê di 14ê gulanê de çûbûn serdana Bexdayê. Piştî endamên şandeyê bi Wezîrê Dadê re hevdîtin kir û vedigeriyan, hatibûn binçavkirin.
Xelkê wargehê li dijî rêgirî, ambargo û dorpêçê gelek caran meşiyan û daxwaza mafê xwe kirin. Di encama berxwedana xelkê Mexmûrê de, nûnerên wargehê piştî 37 rojan hatin berdan.
