Komeleya Koçberiyê bi minasebeta hefteya koçberiyê çû gundê Xaçekê. Hevserokê Komeleya Koçberiyê Murat Sari diyar kir ku ew bang gelê xwe dikin vegerin gundê xwe û xwedî li axa xwe derkevin.
Gundê Xaçek di salan 1920an de wextê serhildana Şex Seîd hat şewitandin û valakirin. Şeniyên gund berî çend salan vegeriyan gundê xwe gundê Xaçek di salan 1990an de dîsahat şewitandin. Bi salan çûyîna gund hat qedexekirin. Şeniyên gund hatin kuştin û koçber kirin.
Di navbera 16 û 22ê hezîranê hefteya koçberiyê ye. Komeleya Lêkolîn û Çavdêriya Koçberiyê ya Mezopotamyayê (GOÇ-DER) jî vê hefteyê gelek rêzeçalakî li dar dixe. Komele îro çû serdena gundê Xaçeka girêdayî Pîrana Amedê. Di serdanê de Hevserokên Komeleya Koçberiyê Medya Alkan û Murat Sari, endamên komeleyê û saziyên civakî, rêveberên DEM Partî û DBP û şeniyên gundê Xaçek ku niha hêj jî koçberin tev li bûn.
Vegera gund vîna mafê ye’
Li vir Murat Sari daxuyanî xwend. Murat Sari diyar kir ku hevhatina kesên ku di erdnigariya Kurdistanê de bi zora hatine derxistin perspektîfek ekolojîk ve mimkun e û wiha axivî: “Di salên 1990an de gelek kes bisedemên polîtîk warê xwe bi zorê hatin derxistin, Şewitandina gund tenê ne bu sedema koçberiyê bu sedema talankirina xwezayê ye. Divê bi wan polîtîkayen re rû bi rû nayê mayîn vegera gundan pêk nayê. Cihên ku navê wan hatine guhertin dîsa navê berê were dayîn.”
Duh wan şewitan îro em dikarin avabikin’
Paşê Hevşaredarê bajarê mezin a Amedê Dogan Hatun axivî û diyar kir ku ew ji yekî gundê wan hatiye şewitandin e û wihaaxivî : “Ew politikayên qîrej em j ibîr nakin. Duh wan şewitan îro em dikarin avabikin. Berê ez zarok bûm neçar bûm lê îro em xwedî hêz in. Bi hezaran gundên me hatin şewitandin û em koçber bûn. Em dikarin wan gundan jinûve avabikin. Em dikarin axa xwe zêr derdirxin. Em wekîşaredariya bajarê mezin pêşengtiya ve karê bikin ji xwe em dikin. Lê divê civak destê xwe bide hevdu tu hez nikare li pêşiya me bisekine.”
