TUHAY-DERa Botanê, Meclîsa Dayikên Aştiyê, TJA, Rêxistinên DBPê û DEM Partî ên Şirnex û navçeyên wê, parlamenterê DEM Partî yê Şirnexê Mehmet Zekî Îrmez û gelek kes çûn serdana Naîf Îşçiyê piştî 15 salan hat berdan kirin.
Naif Îşçî, ku di Îlona 2010an de li navçeya Cîzirê ya Şirnexê hatibû girtin û di lîsteya girtiyên nexweş ên Komeleya Mafên Mirovan (ÎHD) de bû, ji Girtîgeha Girtî ya tîpa T ya Amedê serbest hat berdan. Berdana Naîf Îşçî ji aliyê desteya girtîgehê ve 5 caran hatibû paşxistin. Naîf Îşçî piştî berdawa wî 5 caran hat taloqkirin dûh li Girtîgeha Amedê serbest berdan.
TUHAY-DERa Botanê, Meclîsa Dayikên Aştiyê, Tevgera Jinên Azad (TJA), rêxistinên Partiya Herêmên Demokratik (DBP) û Partiya Wekhevî û Demokrasiyê ya Gelan (DEM Partî) ên Şirnex û navçeyên wê, parlamenterê DEM Partî yê Şirnexê Mehmet Zekî Îrmez û gelek kes bi girseyî serdana Naîf Îşçî kirin. Girse li avahiya DEM Partî ya navçeya Cizîrê kom bûn û bi meşê çûn mala Naîf Îşçî ya taxa Nur a navçeya Cizîrê ye. Girseyê di meşe de dirûşmeya, “Bijî berxwedana zindanan” berz kirin.
Girse ji aliyê Naîf Îşçî û malbata wî ve hat pêşwazîkirin. Naîf Îşçî yek bi yek girseyî hembez kir.
‘Heta yek hevalê me jî di girtîgehê de be têkoşîna me wê bidomê’
Di serdanê de parlamenterê DEM Partî yê Şirnexê Mehmet Zekî Îrmez axivî û anî ziman ku heta hemû girtî bên berdan têkoşîna wan wê bidome û ev tişt gotin: “Niha bi banga Birêz Abdullah Ocalan pêvajoyek destpêkiriye. Heke ew pêvajo bi aştî encam bigire divê hemû girtiyên siyasî û birêz Abdullah Ocalan azad bibe. Heta yek hevalê me jî di girtîgehê de be têkoşîna me wê bidome.”
‘Dema hemû hevalên me hatin berdan wê demê serkeftin wê tacîdar be’
Naîf Îşçî jî ji bo serdanê xêr hatina girseyê kir û wiha axivî: “Ez hatim berdan lê bi hezaran hevalên me niha di girtîgehê de ne. Parçeyek min li cem wan ma. Dema hemû hevalên me hatin berdan wê demê serkeftin wê tacîdar be.”
Piştî axaftinan girseyê xatir ji Naîf Îşçî malbatê xwest û li malê derketin.
