Saziyên ziman û Şeredariya Cizîrê di çerçoveya 15ê Gulanê Cejna Zimanê Kurdî de 11emîn Mîhrîcana Ziman Çand û Hunerê ya Cizîrê li darxist. Di roja 2an a mîhrîcanê de bernameya Atolyeya zarokan hat lidarxistin.
Komeleya Ziman Çand û Hunerê ya Birca Belek û Komeleya Ziman û Çandê ya Cûdî (CÛDÎ-DER) û Şeredariya Cizîrê di çerçoveya 15ê Gulanê Cejna Zimanê Kurdî de 11emîn Mîhrîcana Ziman Çand û Hunerê ya Cizîrê li darxist. Mîhrîcan di roja 2an de bi atoleyeya zarokan vê berdewam dike. Atolyeya Zarokan li parqa Botaş a navçeya Cizîrê ya Şirnexê hat li darxistin. Rêxistinên Partiya Herêmên Demokratik (DBP) Partiya Wekhevî û Demokrasiyê ya Gelan (DEM Partî) ên Şirnex û navçeyên wê, Hevşeredarên Cizîrê Guler Yarbasan Tunç û Abdurrahim Durmuş û gelek kes tevlî bernameyê bûn.
Di bernameya Atolyeya zarokan de gelek zarok li parqê kom bûn û lîstik lîstin. Endam û nûnerên saziyan û şeredariyê jî pêlostuk belavî Zarokan kirin. Hevşeredarên Cizîrê meletîk (garis) îkramî zarokan kirin. Her wiha endamên Komeleya Ziman û Çandê ya Birca Belek jî erbanê dan û stran ji zarokan re lêxistin.
Evarê di seat 20an de jî li qada Agirkujê ya Şeredariya Cizîrê Koma Birca Belek wê konserek lidarbixîne.
