Xebatkaranê Kanal8’î Ekrem Salih û Cûdî Hec Elî ra agahî nêyena girewtene.
Roja çarşeme 30ê nîsana 2025î de xebatkarê Kanal8’î Ekem Salih û Cûdî Hec Elî demo ke hedîseyê ke Dîmeşqî de qewimîyayêne, taqîb kerdêne reyêkî de têkîlîya înan birîyaya û heta nika înan ra tu agahî nêameya girewtene.
Kanal8 ewro seba hemkaranê xo eşkerayîyêka nuştekî daye. Eşkerayî wina ya:
“Şandê roja çarşeme 30ê Nîsana 2025î de hemkarê ma Ekrem Salih û Cûdî Hec Elî hedîseyî ke Dîmeşqî de qewimîyayêne, ê taqîb kerdêne. Hemkarê ma heta saete 06:00î Merkezê Xeberan ê Kanal8’î reyde têkilî de bîyê la nişka ra înan reyde têkilî birîyaye û ê wextî ra heta nika tu agahîya ma derheqê înan de çin a.
Ma Kanal8’î de destpêkê hedîseyanê Sûrîye de bi hewayêko meslegî karê xo kerd û ma xo terefgirîye ra pawit û kar û xebatê ma şahidê nê rastîyan ê.
Hemkarê ma zî Buroyê Sûrîye de panc aşmanê peyênan de bi hewayêko meslegî karê xo kerd û hedîseyê welatî taqîb kerdê.
Seba eşkerabîyayîşê aqûbetê hemkaranê ma, ma heme hetanê têkîldar, sazgeh û rojnamegeranê xoseran têkilî ronaye la çi heyf o ke ma heta nika derheqê înan de tu agahî nêgiirewte.”
